2016年3月30日星期三

《不必等他後悔》



■ 30.3.2016


當一段感情告終,尤其自覺被拋棄的人,不少會以令對方為今天的決定感到後悔為目標。同樣,當勸慰失戀朋友時,像「要活得比他好令他後悔以前離開了你」之類的話也從不陌生。

對方後悔你就會過得好一點嗎?我看不一定。有一點倒是顯而易見——那就是顯示出你一直都放不下那個人。

他後悔,並不代表往日你特別好,也許只是他遇到比你更糟糕的人。那就是說在他的眼中,你只是比他遇到那些渣滓稍為好一點而已,請問這樣又有甚麼值得高興?還是不要自欺欺人吧——要是他肯去欣賞你的好,當初根本不會輕易離開。

你有多好,從來就不以他的喜惡來評定。到今天你們的關係已經完結了,誰後悔,又如何?都不過是一口氣而已。況且即使他後悔,亦不見得對你往後的生活有甚麼實在的幫助。活得好與不好是自己的事,自己知道就足夠了。沒有需要像小孩般向對方示威,也不必管別人的生活如何、有沒有後悔等等。反正當初無論是誰離開誰,對兩個人來說都是一種解脫。何苦重回昔日那潭糞水之中,死不放過自己?

分開過後各自有各自的生活,往事還是及早放下比較明智。別人有沒有悔不當初,不關你的事。來吧,未來的路還有很長,與其執拗於一口無謂的意氣,倒不如把目光放在找尋懂得欣賞你的人,讓自己真真正正的重過新生吧。


--

●             Like   Facebook   ,或         

[Facebook]  [Common Blog]  [Story Blog]  [Photo Album]
E-mail: amethian.studio@gmail.com

2016年3月8日星期二

《要死的不應該是年輕人,而是仆街的家長》



■ 8.3.2016


近期接連有學生自殺。有人將問題原因歸咎於年輕人意志力薄弱、承受唔起衝擊……咁話喎。

年輕人自殺係因為意志力薄弱?呢個無錯係原因之一。然而應該為此負責嘅,絕對唔會係年輕人,而係連基本父母責任都做唔好嘅仆街家長。

有人話,我自問對個仔好好,乜都畀晒佢、乜都幫佢做晒,咁都叫唔負責任咩?——我屌你啦,你咁做先至唔係幫緊你個仔,而係 fuck up 緊佢呀。自理能力要由細開始培養,不斷從錯誤之中學習,人先會變得愈來愈進步同堅強。但係啲仆街家長就走去反其道而行:乜都安排晒,乜都保護住,小事就請工人幫手做。喺咁樣嘅環境底下成長嘅小朋友根本唔會磨練出抗壓能力,所以當佢地一路讀書讀上去,初中、高中、大學、畢業,同社會愈來愈接近,接觸到真正嘅難題果時,唯有選擇一了百了。

細路嘅懦弱,係由大人一手造成。你「訓練」到佢連鞋帶都唔駛綁,就唔好 expect 佢到某一日突然間開竅,有能力解決任何稍為複雜嘅問題。

仲有果啲迫細路學呢樣學果樣嘅仆街家長:與其話要幫個細路入學贏在起跑線,不如老實啲講係用黎畀你炫耀啦。你自己細個廢柴學唔到嘅嘢,唔該你等個仔大咗之後有時間自己再學。千祈唔好為咗圓自己心願或者向其他人炫耀,而迫你個仔繼承你做唔到嘅野。你細個果時學唔曉係你廢柴(或者你老豆老母廢柴),到而家連家長基本責任都做唔好,係廢柴乘以二,double fail。要死果個應該係你而唔係你個仔。

無可能將責任推畀自細被剝奪學習機會嘅細路身上。半點都唔可以。要怪就怪生咗出黎唔識教 / 無時間教,無盡過家長責任嘅撚人。呢十幾條人命唔會係個別事件,亦都唔係幾句「活下去」、「唔好死」可以 stop 到。係你地呢一班仆街家長嘅集體疏忽,造就下一代人嘅悲劇。


--

●             Like   Facebook   ,或         

[Facebook]  [Common Blog]  [Story Blog]  [Photo Album]
E-mail: amethian.studio@gmail.com