2016年2月3日星期三

《狗仔追車棄養疑雲,證明眾多網民未曾從歷史中得到教訓》



■ 3.2.2016


昨晚一段片段流出,片中可見一隻狗在馬路上對一輛汽車窮追不捨,惹來棄養寵物疑雲,聲討之聲不絕。



網民對於事情發展嘅反應流程,可以大致總結如下:



1. 睇到條片,就一口咬定車主棄狗,屌晒車主祖宗十八代不得好死;
2. 到翌日《東方》報導車主並非狗主本人,就話《東方》講野信唔過;
3. 到《蘋果》都報導埋同一件事,就話車主大話連篇作故仔呃人;
4. 到知道車主真係唔係狗主,就屌個司機話有乜可能咁都睇唔到隻狗;
5. 到《壹週刊》出報導寫到明「現在該名網民已把小狗還給老伯,並證清指整件事跟車主無關」,都仍然毫無理由地鳩屌,要幾核突有幾核突,龍門都搬到上火星。



仲記得前年雨革嗎?928 前後謠言滿天飛,
一時話解放軍已經候命出動;
一時話防暴警察已發射橡膠子彈;
一時話乜乜軍營開始調動軍人;
一時話警方動用聲波炮……爭在未誇張啲講埋核彈已經發射。
似是而非嘅消息引來好多人以至政治組織瘋傳,令原本已經緊張嘅局勢更為緊張。



當其時我察覺到問題存在,已 經 率 先 出 post 呼 籲 希望大家唔好將一啲未證實嘅消息亂咁傳開去。奈何當時正值鉅變,人鬼難辨,下一個鐘頭會發生乜野都係未知數,陣腳大亂亦是有理可尋。



但過咗咁耐,一路走來去到今時今日,網民仍然一次又一次被大大小小嘅流料玩殘。



唔係咩?遠嘅講到最大單有去年六月青衣新沙士「確診」疑雲,比較近期嘅亦有兩單:誤傳般咸道石牆斬樹位置封水泥(香港01報導;及後已澄清並致歉),同埋今次狗仔追車事件。好明顯睇到,幾件事件中仍然有大把人未經過思考,無經過求證之前就出咗聲先。



而每逢被踢爆跟車太貼,總會有唔認柒嘅人咁樣狡辯:


「我跟車太貼?我緊張咋!我想件事好咋!」
「係咪無人跟進就最開心?」
「就算唔係真,都要關注,提高警覺!」


藉口一大堆,點都唔承認自己跟車太貼有錯,仲掉轉頭要人 appreciate 佢為咗件事操心——真係多謝晒喎。



喂大佬呀,可唔可以搞清楚事情真相先再講?明明唔係有事又亂咁嗌,同「狼來了」有乜分別先?連自己做錯都無勇氣去認,一味死兜爛兜,呢種行徑難道會比政府班仆街高尚好多?



計我話呢,就唔駛下下都仆出黎柒嘅。凡事睇定啲先,用下個腦諗下會唔會有你眼見以外嘅其他可能性。唔係話見條片好爆、見到篇文個標題好 juicy 就趕住拜山咁 share 咗先。咁樣對件事只會無幫助,亦會使你變得更柒,令到一路以黎信你嘅人失望,更令本身已經唔係好信你嘅人徹底放棄你,完全係一好處都無。


咁多位,乖啦。要叻要威,到真相大白之後再慢慢認都未遲。到時你點囂張點認叻,人地都無辦法唔寫個服字畀你。點都好過唔知頭唔知路走去加把口,變成讓謠言一直流傳嘅幫兇啦。


--

●             Like   Facebook   ,或         

[Facebook]  [Common Blog]  [Story Blog]  [Photo Album]
E-mail: amethian.studio@gmail.com

2016年2月2日星期二

《你叫我唔好屌港豬,咁你點解又唔幫手勸?》

一齊夾鳩班港豬返上正途啦,好唔撚好?」


■ 2.2.2016


「你係咁鬧啲港豬無用架,愈鬧佢咪愈走,要好聲好氣勸先得架~」


寫政治文宣或者製圖嘅朋友,應該同我一樣,多少都聽過呢啲說話。有人當係風涼話咁講,亦有人係真心咁覺得。然而不論係邊一種,我都想回一句:


屌!咁叻你去勸囉!


首先,講得出「啲港豬唔鬧得」呢個 point,即係承認咗唔同人都有各自嘅 character 啦。


而咁啱我嘅 character 就係硬淨、嚴厲、串串貢,係負責屌人嘅角色。強迫一個硬橋硬馬嘅人走去出軟功,成件事根本就係資源錯配。情況就如要求所有物流佬禮貌周到、叫廿年唔做 Gym 嘅文員去紮鐵,同叫美斯去打籃球。結果只會兩頭唔到岸,做到嘅成果一定比現階段更少。


領導群眾,向來需要軟硬兼施。我明喎。


重點係軟功須由擅長軟功嘅人去做。一味叫人唔好屌港豬果班,又有無諗過 take up 呢個責任呢?既然睇得出「要好聲好氣勸先有用」,即係代表你比我更明白港豬嘅諗法啦?咁由你負責去安撫、去教育佢地,都好合理丫係咪?


硬嘅,做醜人爆 seed 屌人;軟嘅,力陳利害、動之以情。有懲又有教,咁先至係做野架嘛。

所以,請唔好再話人屌港豬——你屌我淨係識屌,本質上同對我嘅指控無任何分別,「誰都不比誰高尚」架。真係有心想幫忙嘅,就幫手出軟功,軟硬兼施剛柔並重裡應外合,一齊夾鳩班港豬返正途啦,好唔撚好?


--

●             Like   Facebook   ,或         

[Facebook]  [Common Blog]  [Story Blog]  [Photo Album]
E-mail: amethian.studio@gmail.com