2015年8月14日星期五

《我係會屌 Cold Call 老母的》



■ 13.8.2015


除非無手提電話,否則我敢肯定每個香港人都受過 Cold Call 滋擾。一堆星展銀行、大眾財務、乳房協會、中銀乜乜乜,就算裝左小熊來電都唔會 Block 得晒。


對於呢啲煩到仆街嘅 Cold Call,政府唔做野,公司唔收斂,唯有由我嚟替天行道,屌佢地老母——唔係一般求其屌,係爆 Seed 喪屌,唔侮辱嘅都唔講出口。

屌 Cold Call,係迫於無奈。想象一下以下情況:早兩日見完工心急等電話,終於有個電話打嚟,點撚知係 Cold Call;趕時間個人已經心煩氣燥,呢個時候硬係要整個 Cold Call 你嘆;打麻雀輸緊幾百,咁啱又會有銀行 Cold Call 問你借唔借錢,都唔知攞景定贈興。無論任何時候打嚟,Cold Call 都係唔受歡迎,對我地嘅生活造成唔同程度嘅滋擾。


屌人唔算係一件賞心樂事。相反,我會將佢當成一場長期戰。辛辛苦苦爆一串粗口出嚟屌柒 Cold Call,目的係要令到班 Cold Call 撚返工成本增加。試諗下,日日返工九個鐘,分分鐘都受侮辱,老母一日被人屌幾百次,人格尊嚴全失,到時轉工只係遲早問題。長遠嚟睇,咁樣會有助減少投身 Cold Call 行業人數,「源頭減廢」就係咁嘅意思。每屌一次,Cold Call 撚嘅壓力就提升一分,有意義過啲乜鬼野 “1 like = 1 support” 多多聲。

有人話:Cold Call 都係打份工啫。我覺得「打份工」三個字難聽過粗口。打份工又點呀,大晒呀?搵食大晒呀?黑警毆打市民又係打份工,食環蝦阿婆又係打份工,係咪唔屌得丫?都烚戇嘅!而家 Cold Call 嘅工作性質就係騷擾人,喺你食緊飯開緊會煲緊煙上緊堂扑緊野果陣不請自來,透過浪費人地時間嚟到賺錢,被人屌返兩嘴都好應份丫?份糧包埋架嘛!


何況講到要搵食,香港根本大把工畀你做,搞乜好做唔做走去做 Cold Call?而家行落街,幾乎間間餐廳都請緊人;洗碗清潔少嘅都萬二、三起,有手有腳就做得,而且真係靠勞力搵錢,份人工駛都駛得有尊嚴。所以同我講要搵食先去做 Cold Call?慳啲啦,懶就認啦,廢柴。

好多時,當你好聲好氣講「唔駛喇唔該」,電話對面嘅 Cold Call 撚只會鍥而不捨繼續狂 Sell 你。你愈係唔 Cut 線(好似好無禮貌咁嘛~人地都係打份工啫~),佢地就愈係要煩住你——我親眼見過有朋友就係咁被 Cold Call 煩左幾分鐘,直至我忍唔住搶走佢個電話幫佢 Cut 線。

事實擺在眼前,對 Cold Call 撚寬容就等於縱容,而且唔止係對一個人,而係對成個 Cold Call 業界嘅縱容。阿頭見請啲 Cold Call 撚返嚟都同啲客吹得兩嘴喎,咁咪請多啲人囉,結果就係 Cold Call 愈做愈大,愈嚟愈多人受 Cold Call 騷擾。你一時嘅寬容,就變成對大眾嘅自私,呢個道理相信亦都唔難明。

所以,我誠邀各位學似我一樣,每次接到 Cold Call,就狠狠地屌對方老母,徹底摧毀佢對呢份厭惡性工作嘅熱誠,推佢去辭職,早日搵返份人做嘅工——講下笑啫,我先無咁偉大。我只係唔想再被 Cold Call 煩住咋。

--

●             Like   Facebook   ,或         

[Facebook]  [Common Blog]  [Story Blog]  [Photo Album]
E-mail: amethian.studio@gmail.com

沒有留言:

發佈留言