■ 29-4-2015
無論響職場上、家族上甚至朋友圈子入面，多少都總會有名為「老屎忽」，英文叫 Old Seafood 嘅物體存在。佢地未必一定係上左年紀（認真，廿幾歲就做左老屎忽嘅大有人在），但就肯定係滿腦子老舊、迂腐嘅思想，同社會嚴重脫節。奈何又要處處扮大佬，手執佢地自以為啱嘅標準，肆意批評同埋打擊年輕一代。
我想講：你地收手啦。你地仲想柒到幾時啫？
老屎忽口水多過茶唔在講，其中一句經常掛響口邊嘅，係「後生仔唔捱得」。首先，呢班老屎忽口中所謂「捱得」，大多數係指日日加班 chur 到傻、被人剝削都逆來順受、唔好斤斤計較等等。佢地咁鼓吹呢啲行為，目的只為對後生仔洗腦，令佢地自願出賣靈魂，放棄爭取合理待遇，為身居高位嘅老屎忽做牛做馬，擺到明就係一種糖衣包裝嘅陰謀、詭計。
除此之外，三、四十年前仲係英人治港，社會信奉嘅係「多勞多得」，為左生計同埋下一代嘅幸福著想，好多人都願意捱。然而如今呢個社會嚴重向權貴傾側，「捱」由自願性質變成被迫，捱完賺到啲錢倒頭來又係貢獻返畀大財團、大地產商。想話自力更生搞下生意，但被財團壟斷同天價租金夾擊，小店不論新舊都難免執笠收場。響呢種氛圍之下，班老屎忽不但唔去批評唔健康嘅社會，唔同情被制度壓迫嘅人，反而掉轉頭鬧啲後生仔唔肯捱？無野下話？
「呢個世界就係咁架啦！」——勁，世事都被呢位老屎忽看透，唔知仲以為佢係哥倫布有份發現新大陸。實情呢？實情係佢對世界嘅認知原來少之又少，最遠都只係去過泰國仲要係跟團。平時淨係靠睇舔共報章接觸所謂「外國新聞」，日日被人洗腦，乜鬼中國和平勃起，全世界都仰慕中國，泛民全部係美國間諜，共產黨逐漸開明乜乜乜……正常人睇完當笑話嘅野難為佢地當真，天真到以為咁就代表通曉國際形勢，真係人唔笑狗都吠。
好心咪再無料扮四條啦。事實係呢班老屎忽根本乜Q都唔知，乜Q都唔了解。唔講咁深，就講上網搵資料，佢地夠佢地所鄙視嘅後生仔快咩？夠後生仔純熟咩？可以好似後生仔一樣分辨資訊真偽咩？——就從老屎忽們一次又一次響 Whatsapp Group 瘋傳果啲「震驚十億人！」、「愛你的家人就傳開去！」嘅流料，已經大概感受到佢地非同凡響嘅智慧。再講白啲，其實佢地不過係一班困響一個「我覺得係咁」嘅世界裡邊，就自以為看透一切嘅井底之蛙。
講開又講，仲有一句都幾 hit 嘅，叫「你班後生仔淨係識反對，又唔提意見」。首先，反對不合理事情係人之常情，亦都係美德。唔通見到有問題都唔出聲就叫好喇喎？人爭取自己應得嘅權益，本來就係一件合情合理嘅事。班老屎忽死抱住迂腐到唔恨嘅封建思想，認為人民理所當然要聽政府話，盲目地將一切反對聲音視為搞破壞。但事實上政府係屬於人民嘅機構，理應為人民服務，聆聽反對意見同訴求係最基本嘅責任。想無人反對咩？好易架咋，搬去北韓，囉。
講到後生仔無提出意見？真係笑話。查實民間一直都有就政府政策提供意見，奈何由一班舔共老屎忽把持嘅政府，根本就無當過啲意見係一回事。譬如話第三跑果一千四百億可以點樣善用？可以制訂咩政策去改善房屋問題？有乜方法減少走私賊？呢啲意見網上面大把，但要政府肯聽先得架嘛！只係因為政府唔聽意見而誤以為後生仔有破壞無建設，完全係本末倒置，同時亦都反映出呢班老屎忽對後生仔既有嘅偏見。諷刺嘅係，好多由後生仔提出嘅意見，班老屎忽其實都有份受惠。
萬惡嘅老屎忽總係用言語打擊年青一代，以大石砸死蟹姿態向初出茅廬嘅後生仔灌輸過時嘅概念，意圖令到佢地未老先衰，年紀輕輕就變左老屎忽，堪稱社會同人類嘅毒瘤。老實講丫，啲老屎忽成日話「個社會無欠你地呢班後生仔」，咁唔通我地又有欠你班老屎忽咩？慳啲啦！
除左肯與時並進、肯活到老學到老嘅人之外（呢種人好好，絕對唔係老屎忽），我相信人活到某個年齡階段，要立心改善自己幾乎係唔可能嘅事，因此我都懶得對佢地好言相勸，求佢地改變啲乜、做好啲乜。對呢挺無可救藥嘅老屎忽，我只有一個請求：當係為人類做啲事又好，當係積下陰德都好。請你將你嘅迂腐思想帶埋入棺材，唔好遺害人間，污染地球。多謝。
我想講：你地收手啦。你地仲想柒到幾時啫？
老屎忽口水多過茶唔在講，其中一句經常掛響口邊嘅，係「後生仔唔捱得」。首先，呢班老屎忽口中所謂「捱得」，大多數係指日日加班 chur 到傻、被人剝削都逆來順受、唔好斤斤計較等等。佢地咁鼓吹呢啲行為，目的只為對後生仔洗腦，令佢地自願出賣靈魂，放棄爭取合理待遇，為身居高位嘅老屎忽做牛做馬，擺到明就係一種糖衣包裝嘅陰謀、詭計。
除此之外，三、四十年前仲係英人治港，社會信奉嘅係「多勞多得」，為左生計同埋下一代嘅幸福著想，好多人都願意捱。然而如今呢個社會嚴重向權貴傾側，「捱」由自願性質變成被迫，捱完賺到啲錢倒頭來又係貢獻返畀大財團、大地產商。想話自力更生搞下生意，但被財團壟斷同天價租金夾擊，小店不論新舊都難免執笠收場。響呢種氛圍之下，班老屎忽不但唔去批評唔健康嘅社會，唔同情被制度壓迫嘅人，反而掉轉頭鬧啲後生仔唔肯捱？無野下話？
「呢個世界就係咁架啦！」——勁，世事都被呢位老屎忽看透，唔知仲以為佢係哥倫布有份發現新大陸。實情呢？實情係佢對世界嘅認知原來少之又少，最遠都只係去過泰國仲要係跟團。平時淨係靠睇舔共報章接觸所謂「外國新聞」，日日被人洗腦，乜鬼中國和平勃起，全世界都仰慕中國，泛民全部係美國間諜，共產黨逐漸開明乜乜乜……正常人睇完當笑話嘅野難為佢地當真，天真到以為咁就代表通曉國際形勢，真係人唔笑狗都吠。
好心咪再無料扮四條啦。事實係呢班老屎忽根本乜Q都唔知，乜Q都唔了解。唔講咁深，就講上網搵資料，佢地夠佢地所鄙視嘅後生仔快咩？夠後生仔純熟咩？可以好似後生仔一樣分辨資訊真偽咩？——就從老屎忽們一次又一次響 Whatsapp Group 瘋傳果啲「震驚十億人！」、「愛你的家人就傳開去！」嘅流料，已經大概感受到佢地非同凡響嘅智慧。再講白啲，其實佢地不過係一班困響一個「我覺得係咁」嘅世界裡邊，就自以為看透一切嘅井底之蛙。
講開又講，仲有一句都幾 hit 嘅，叫「你班後生仔淨係識反對，又唔提意見」。首先，反對不合理事情係人之常情，亦都係美德。唔通見到有問題都唔出聲就叫好喇喎？人爭取自己應得嘅權益，本來就係一件合情合理嘅事。班老屎忽死抱住迂腐到唔恨嘅封建思想，認為人民理所當然要聽政府話，盲目地將一切反對聲音視為搞破壞。但事實上政府係屬於人民嘅機構，理應為人民服務，聆聽反對意見同訴求係最基本嘅責任。想無人反對咩？好易架咋，搬去北韓，囉。
講到後生仔無提出意見？真係笑話。查實民間一直都有就政府政策提供意見，奈何由一班舔共老屎忽把持嘅政府，根本就無當過啲意見係一回事。譬如話第三跑果一千四百億可以點樣善用？可以制訂咩政策去改善房屋問題？有乜方法減少走私賊？呢啲意見網上面大把，但要政府肯聽先得架嘛！只係因為政府唔聽意見而誤以為後生仔有破壞無建設，完全係本末倒置，同時亦都反映出呢班老屎忽對後生仔既有嘅偏見。諷刺嘅係，好多由後生仔提出嘅意見，班老屎忽其實都有份受惠。
萬惡嘅老屎忽總係用言語打擊年青一代，以大石砸死蟹姿態向初出茅廬嘅後生仔灌輸過時嘅概念，意圖令到佢地未老先衰，年紀輕輕就變左老屎忽，堪稱社會同人類嘅毒瘤。老實講丫，啲老屎忽成日話「個社會無欠你地呢班後生仔」，咁唔通我地又有欠你班老屎忽咩？慳啲啦！
除左肯與時並進、肯活到老學到老嘅人之外（呢種人好好，絕對唔係老屎忽），我相信人活到某個年齡階段，要立心改善自己幾乎係唔可能嘅事，因此我都懶得對佢地好言相勸，求佢地改變啲乜、做好啲乜。對呢挺無可救藥嘅老屎忽，我只有一個請求：當係為人類做啲事又好，當係積下陰德都好。請你將你嘅迂腐思想帶埋入棺材，唔好遺害人間，污染地球。多謝。
--
● 如 果 你 也 喜 歡 我 的 作 品 ， 請 Like 我 的 Facebook 專 頁 ，或 把 文 章 分 享 給 朋 友 。
[Facebook] [Common Blog] [Story Blog] [Photo Album]
E-mail: amethian.studio@gmail.com
● 如 果 你 也 喜 歡 我 的 作 品 ， 請 Like 我 的 Facebook 專 頁 ，或 把 文 章 分 享 給 朋 友 。
[Facebook] [Common Blog] [Story Blog] [Photo Album]
E-mail: amethian.studio@gmail.com
沒有留言:
發佈留言